Tâi-oân-pit:Kài-siāu
Tâi-oân-pit sī chi̍t-ê Tâi-gí wiki, kap Wikipedia sio-siâng ēng MediaWiki nńg-thé khí--ê, m̄-koh kap jīm-hô Wikimedia kè-ōe bô koan-hē.
Tâi-oân-pit ê lī-ek
- Tâi-oân-pit sī oân-choân ê Tâi-gí pek-kho-choân-su, bô khó-lū óa-kīn Tâi-gí ê pa̍t khoán chhin-chiâⁿ-ōe (bô chhiūⁿ Wikipedia siū tio̍h ISO-639-3 hō-bé ê chè-hān tō siu pí-lūn Ē-mn̂g-ōe, Lâm-iûⁿ Hok-kiàn-ōe tt ê mi̍h);
- Tâi-oân-pit sī chām ê iōng-chiá ka-tī ūn-choán, thang hong-piān chhōe tio̍h ki-su̍t jîn-oân chiàu su-iàu kái bāng-chām.
Kì-lio̍k
- Lī-ēng MediaWiki khí-siat. Tāi-seng sī ēng 1.33.0 pán;
- 2019 nî 8 goe̍h chhe 1 khai-ki, tàu tī AWS (Amazon Web Services) téng-bīn, ū lī-ēng EC2, S3, kap RDS téng ho̍k-bū.
- Chēng 2020 nî 11 goe̍h poaⁿ kòe DigitalOcean, AWS ê pō͘-hūn chhun S3 kè-sio̍k lī-ēng.
2021 nî
- 2021 nî 1 goe̍h 11 khí oân-choân tī DigitalOcean ūn-choán
- 1 goe̍h 30 ōaⁿ-sin chì MediaWiki 1.35.1 pán.
- 2 goe̍h chhe 5 tē 100 phiⁿ kì-sū Isaac Newton.
計畫
設 nn̄g-ê 介面:
- Lô-má-jī chhōa-thâu (Lô-má-jī ê 格式, pí-lūn 半角 ê phiau-tiám.)
- Hàn-jī chhōa-thâu (漢字个格式、比論全角个標點。)
Ta̍k-ê phè-jih ē-tàng chiàu téng-bīn ê hun-pia̍t 分 nn̄g phiⁿ, ēng Lô-má-jī siá tê-bo̍k tō sī Lô-jī-pán, ēng Hàn-jī siá tō sī Hàn-jī-pán.
Liû-lám-khì būn-tê
Lí ê liû-lám-khì nā chhut Lô-má-jī ū būn-tê, pí-lūn khiàm tē-8-tiāu phiat-im-hō, chhiáⁿ tàu ū siat-kè chia-ê hû-hō ê jī-kut (font), chiàu pún chām ê siat-tēng, serif-sek jī-kut pâi tē-it ê soán-te̍k sī Linux Libertine.