Lut-sng-sò͘ li-bó-hu̍t sng, phó͘-thong tòe Eng-gí kóng DNA (deoxyribonucleic acid ê kán-lio̍k), sī iú-ki hòa-ha̍k-mi̍h, sī ta̍k khoán goân-hu̍t kiau chiaⁿ-hu̍t sè-pau lāi, koh kiam chi̍t kóa bái-lu-suh to ū ê hok-cha̍p hun-chú kò͘-chō. DNA kiat chò ûi-thoân chu-liāu, só͘ koat-tēng ê sèng-chit tō tòe teh thoân.
DNA tāi-seng sī 1869 nî hoat-kiàn, m̄-koh ûi-thoân ê sèng-chit sī 1943 nî chiah hŏng kái-bêng. Kàu 1953 nî, ha̍k-chiá James Watson kap Francis Crick, chham-khó Rosalind Franklin kap Maurice Wilkins ê chu-liāu, hoat-kiàn chhut DNA ê siang se̍h-lê to-goân-thé (polymer) kò͘-chō, tō sī kóng DNA sī nn̄g kó͘ liān-á hō͘-siōng tńg-se̍h ê hêng-thé.