Tâi-oân-pit:Kài-siāu
Tâi-oân-pit sī chi̍t-ê Tâi-gí wiki, kap Wikipedia[注 1] sio-siâng ēng MediaWiki[注 2] nńg-thé khí--ê, m̄-koh sī to̍k-li̍p ê kè-ōe, m̄-sī Wikimedia[注 3] teh koán-lí.
Tâi-oân-pit ê lī-ek
- Tâi-oân-pit sī oân-choân ê Tâi-gí pek-kho-choân-su, bô khó-lū óa-kīn Tâi-gí ê pa̍t khoán chhin-chiâⁿ-ōe. Bô chhiūⁿ Wikipedia siū tio̍h ISO-639-3 hō-bé ê chè-hān tio̍h siu pí-lūn Ē-mn̂g-ōe, Lâm-iûⁿ Hok-kiàn-ōe tt ê mi̍h;
- Tâi-oân-pit sī chām ê iōng-chiá ka-tī 利用 雲頂 ho̍k-bū ūn-choán, chām ê koán-lí bô 外人 chhap-chhiú; thang hong-piān kái khoán siu-lí. Nā tī Wikipedia, it-poaⁿ ēng-chiá siū 技術, siā-lí kap giân-gí tt chó͘-gāi, bô tek-khak ū hoat-tō͘ 影響 téng chân hē-thóng ê koán-lí kap siu-kái.
格式
Hiān-chú-sî 內容 kiam 介面 lóng kiâⁿ "Lô-Hàn" sek, tō sī Lô-má-jī Hàn-jī 相濫, m̄-koh 整體 chiàu Lô-má-jī ê keh-sek. Nā 頁 ê 標題 sī Lô-má-jī 優先.
Lô-má-jī sī chiàu chit-má liû-thong ê Pe̍h-ōe-jī. Nā Hàn-jī sī tòe 台字田 chéng-lí ê 台文漢字慣例.
Gōa-lâi-jī, iû-kî nā pian chiá ka-tī hoat-bêng ê, ū khó-lêng kiâⁿ bô tiám siaⁿ-tiāu ê hêng-sek.
Kì-lio̍k
- Lī-ēng MediaWiki khí-siat. Tāi-seng sī ēng 1.33.0 pán;
- 2019 nî 8 goe̍h chhe 1 khai-ki, tàu tī AWS (Amazon Web Services) téng-bīn.
- Chēng 2020 nî 11 goe̍h poaⁿ kòe DigitalOcean, AWS ê pō͘-hūn chhun S3 (雲頂收藏服務) kè-sio̍k lī-ēng.
2021 nî
- 2021 nî 1 goe̍h 11 khí oân-choân tī DigitalOcean ūn-choán
- 1 goe̍h 30 ōaⁿ-sin chì MediaWiki 1.35.1 pán.
- 2 goe̍h chhe 5 tē 100 phiⁿ kì-sū Isaac Newton.
2022 nî
- 7 goe̍h chhe 3 ōaⁿ-sin chì Mediawiki 1.38.1 pán.
- 12 goe̍h 20 tē 200 phiⁿ kì-sū bá-tah.
計畫
Āu-pái khó-lêng 設 nn̄g-ê 介面:
Buh-láu-sà būn-tê
Lí ê buh-láu-sà (browser) nā chhut Lô-má-jī ū būn-tê, pí-lūn khiàm tē-8-tiāu phiat-im-hō, chhiáⁿ tàu ū siat-kè chia-ê kì-hō ê jī-kut (font), chiàu pún chām ê siat-tēng, 頁 ê phiau-tê kiâⁿ serif-sek, ū chí-tēng pâi tē-it ê hāu-soán Linux Libertine.