Pûi-chit sī tōng-bu̍t kap si̍t-bu̍t sin-khu téng chi̍t kóa bē cheng-hoat, bē-iûⁿ tī chúi lāi, iû-chit ê mi̍h. Pûi-chit tī phó͘-thong un-tō͘ chhiūⁿ 25 °C ê sî-chūn sī kò͘-thé, nā khah koân jia̍t tō pìⁿ liû-chit. Chiàu hòa-ha̍k ê lí-lō͘ pûi-chit kap tōng-bu̍t-iû, si̍t-bu̍t-iû sī sio-siâng, chú-iàu sêng-hun sī gu-lí-sé-lái (glycerides), sǹg chi̍t khoán e-sú-toh (ester), sī saⁿ lia̍p pûi-sng (fatty acids) kap chi̍t lia̍p gu-lí-sé-ló͘ (glycerol) hoán-èng sán-seng.