Difference between revisions of "Ji̍t-thâu"

Kap kî-tha chú hē-lia̍t chheⁿ sio-kâng, ji̍t-thâu tùi [[jia̍t-hu̍t iông-ha̍p]] (''thermonuclear fusion'') hoán-èng tit tio̍h phong-phài ê [[la̍t-thâu]]. Iông-ha̍p hoán-èng kòe-têng kā [[chúi-sò͘]] choán chò [[he-lí-ùm]] (''helium'') kiam pa̍t khoán khah tāng ê hu̍t-chú. Keng-kòe [[pàng-jia̍t iông-ha̍p hoán-èng]], [[kng-lia̍p]] (''photon'') tùi Ji̍t-thâu ê sim hiòng gōa pàng chhut, sim ê gōa-ûi sī [[hòng-siā khu]] (''radiative zone''), koh lâi sī [[tùi-liû-pau]] (''convective envelope''), [[kng-khoan]] (''photosphere''), [[sek-khoan]] (''chromosphere''), siōng gōa têng hō chò [[kho-ló͘-nà]] (''corona'').

Thài-kó͘ sî-tāi ê thian-bûn-ka tō pat khòaⁿ tio̍h [[ji̍t-thâu-pan]] (''sunspot''); chóng-sī kàu 17 sè-kí, chiah ū lâng hē-thóng-sèng lâi káng-kiù chit-ê sèng-chit. [[I-tá-lí-ah]] ê ha̍k-chiá [[Galileo Galilei]] kap Tek-kok ê Christoph Scheiner tāi-seng ēng tiàu-kiàⁿ koan-chhat ji̍t-thâu-pan.