Difference between revisions of "Tâi-oân-pit:Kài-siāu"
No edit summary |
(→格式) |
||
| Line 8: | Line 8: | ||
Hiān-chú-sî 內容 kiam 介面 lóng kiâⁿ "Lô-Hàn" sek, tō sī Lô-má-jī Hàn-jī 相濫, m̄-koh 整體 chiàu Lô-má-jī ê keh-sek. Nā 文章 tê-bo̍k sī Lô-má-jī 優先. | Hiān-chú-sî 內容 kiam 介面 lóng kiâⁿ "Lô-Hàn" sek, tō sī Lô-má-jī Hàn-jī 相濫, m̄-koh 整體 chiàu Lô-má-jī ê keh-sek. Nā 文章 tê-bo̍k sī Lô-má-jī 優先. | ||
Lô-má-jī sī chiàu chit-má liû-thong ê [[Pe̍h-ōe-jī]]. Nā Hàn-jī sī | Lô-má-jī sī chiàu chit-má liû-thong ê [[Pe̍h-ōe-jī]]. Nā Hàn-jī sī tòe [https://ji.taioan.org/ 台字田] chéng-lí ê 慣例. | ||
== Kì-lio̍k == | == Kì-lio̍k == | ||
Revision as of 2021 nî 12 goe̍h 9 ji̍t, 08:50
Tâi-oân-pit sī chi̍t-ê Tâi-gí wiki, kap Wikipedia[注 1] sio-siâng ēng MediaWiki[注 2] nńg-thé khí--ê, m̄-koh kap jīm-hô Wikimedia[注 3] kè-ōe lóng bô koan-hē.
Tâi-oân-pit ê lī-ek
- Tâi-oân-pit sī oân-choân ê Tâi-gí pek-kho-choân-su, bô khó-lū óa-kīn Tâi-gí ê pa̍t khoán chhin-chiâⁿ-ōe (bô chhiūⁿ Wikipedia siū tio̍h ISO-639-3 hō-bé ê chè-hān tō siu pí-lūn Ē-mn̂g-ōe, Lâm-iûⁿ Hok-kiàn-ōe tt ê mi̍h);
- Tâi-oân-pit sī chām ê iōng-chiá ka-tī ūn-choán, bô 外人 過手; thang hong-piān chhōe tio̍h ki-su̍t jîn-oân chiàu su-iàu kái bāng-chām.
格式
Hiān-chú-sî 內容 kiam 介面 lóng kiâⁿ "Lô-Hàn" sek, tō sī Lô-má-jī Hàn-jī 相濫, m̄-koh 整體 chiàu Lô-má-jī ê keh-sek. Nā 文章 tê-bo̍k sī Lô-má-jī 優先.
Lô-má-jī sī chiàu chit-má liû-thong ê Pe̍h-ōe-jī. Nā Hàn-jī sī tòe 台字田 chéng-lí ê 慣例.
Kì-lio̍k
- Lī-ēng MediaWiki khí-siat. Tāi-seng sī ēng 1.33.0 pán;
- 2019 nî 8 goe̍h chhe 1 khai-ki, tàu tī AWS (Amazon Web Services) téng-bīn, ū lī-ēng EC2, S3, kap RDS téng ho̍k-bū.
- Chēng 2020 nî 11 goe̍h poaⁿ kòe DigitalOcean, AWS ê pō͘-hūn chhun S3 kè-sio̍k lī-ēng.
2021 nî
- 2021 nî 1 goe̍h 11 khí oân-choân tī DigitalOcean ūn-choán
- 1 goe̍h 30 ōaⁿ-sin chì MediaWiki 1.35.1 pán.
- 2 goe̍h chhe 5 tē 100 phiⁿ kì-sū Isaac Newton.
計畫
Āu-pái khó-lêng 設 nn̄g-ê 介面:
- Lô-má-jī chhōa-thâu (Lô-má-jī ê 格式, pí-lūn 半角 ê phiau-tiám.)
- Hàn-jī chhōa-thâu (漢字个格式、比論全角个標點。)
Oa̍t-lám-khì būn-tê
Lí ê oa̍t-lám-khì (browser) nā chhut Lô-má-jī ū būn-tê, pí-lūn khiàm tē-8-tiāu phiat-im-hō, chhiáⁿ tàu ū siat-kè chia-ê hû-hō ê jī-kut (font), chiàu pún chām ê siat-tēng, serif-sek jī-kut pâi tē-it ê soán-te̍k sī Linux Libertine.