Tâi-oân-pit:Khòaⁿ niù-suh
|
Sè-sū bûn-khò͘
2020 nî
- Bú-hàn pēⁿ-to̍k tōa-liû-hêng:
- 4 goe̍h 20 ji̍t í-keng tī thong-sè-kài chhut 248 bān lâng khak-jīn kám-jiám, chhiau-kòe 17 bān lâng sí. Tâi-oân ū kám-jiám 422-ê, sí-bông 6-ê.
- 4 goe̍h 2 ji̍t í-keng tī thong-sè-kài chhut 100 bān lâng khak-jīn kám-jiám, chhiau-kòe 5 bān lâng sí. Tâi-oân ū kám-jiám 348-ê, sí-bông 5-ê.
- 3 goe̍h 22 ji̍t chiàu koan-hong thóng-kè í-keng tī thong-sè-kài chhut 30 bān khak-jīn pēⁿ-lē, chhiau-kòe 13,000 lâng sí. Tâi-oân ū pēⁿ-lē 153-ê, sí-bông 2-ê.
- 3 goe̍h 4 ji̍t chiàu koan-hong thóng-kè í-keng tī thong-sè-kài chhut 93851 khak-jīn pēⁿ-lē, tang-tiong Tâi-oân chiàm 42-ê.
- 2 goe̍h 17 ji̍t chiàu Tiong-kok koan-hong thóng-kè í-keng tī in kok-lāi chhut 70553-ê pēⁿ-lē, sí-bông 1770-ê. Chit-má thong-sè-kài lóng-chóng 71338 lē, tang-tiong Tâi-oân chiàm 20-ê.
- Tâi-oân tī 2 goe̍h 16 kong-pò͘ Sin Corona Pēⁿ-to̍k tī kok-lāi ê thâu chi̍t kiāⁿ sí-bông pēⁿ-lē.
- Hui-li̍p-pin tī 2 goe̍h 2 hō kong-pò͘ in chāi-tē hoat-seng thâu-chi̍t-ê chhut tī Tiong-kok gōa-kháu ê Sin Corona Pēⁿ-to̍k kám-jiám-chiá sí-bông.
- 2 goe̍h 1 ji̍t chiàu Tiong-kok koan-hong thóng-kè í-keng tī in kok-lāi chhut 11814-ê pēⁿ-lē, sí-bông 259-ê. Thong-sè-kài lóng-chóng 11973 lē, tang-tiong Tâi-oân chiàm 10-ê.
- Liân-ha̍p Ông-kok tī in chāi-tē sî-kan 1 goe̍h 31 àm-sî 11 tiám lî-khui Au-chiu Liân-bêng.
- 1 goe̍h 11 tī Tâi-oân ê Tiong-hoa Bîn-kok Chóng-thóng soán-kí, chip-chèng Bîn-chú Chìn-pō͘ Tóng ê Chhòa Eng-bûn tòng-soán liân-jīm, tī kok-hōe soán-kí mā iâⁿ.
2019 nî
- Liân-ha̍p Ông-kok tī 12 goe̍h 12 kí-hêng kok-hōe chóng-soán-kí, kiat-kó sī Boris Johnson chhōa-thâu ê Pó-siú Tóng sèng-lī, tī 650 se̍k tang-tiong the̍h 365 se̍k.
- Liân-ha̍p Ông-kok lú-ông Elizabeth II tī 10 goe̍h 14 ji̍t ê Kok-hōe Khai-bō͘-sek tang-tiong soan-kò chèng-hú ê siú-iàu khang-khòe sī beh tī 10 goe̍h 31 lî-khui Au-chiu Liân-bêng.
- Thó͘-ní-kî 10 goe̍h 9 ji̍t hiòng Su-lī-a hoat-tōng Hô-pêng Chhun-thiⁿ Chok-chiàn, beh phah hia ê tang-pak-pō͘ chū-tī sè-le̍k.
- Hoat-kok chêng chóng-thóng Jacques Chirac 9 goe̍h 26 tī Pa-lí 86-hòe kòe-sin.
- Tâi-oân to̍k-li̍p ūn-tōng-chiá Sú Bêng 9 goe̍h 20 tī Tâi-pak 103-hòe kòe-sin.
- Sa-ú-jih A-la-pek tang-po͘ Abqaiq kap Khurais ê Saudi Aramco kong-si chio̍h-iû si-siat 9 goe̍h 14 siū tio̍h kong-kek.
- Tâi-oân ê Tâi-gí tiān-sī-tâi Kong-sī Tâi-gí-tâi 7 goe̍h 6 ji̍t chèng-sek lâi hòng-sàng.