Difference between revisions of "Thài-iông-hē"

Chiàu lí-lūn, thài-iông-hē sī tùi chi̍t-ê saⁿ-lām khì-thé kap tîn-bū ê [[thài-iông seng-hûn]] (''solar nebula'') sán-seng. Chit lō seng-hûn siū ka-tī tiōng-le̍k ê la̍t ín-chhōa lap chò phiat-á ê hêng. Kòe-têng-tiong tōa-pō͘-hūn ê bu̍t-chit hō͘ tiong-sim khiú ·kòe, pìⁿ chò sī [[ji̍t-thâu]]. Chhun ê lia̍p-á sio-lòng, pìⁿ chò sī chi̍t kóa hō chò [[bî-he̍k-chheⁿ]] (''planetesimal'') ê thian-thé. Chia-ê mi̍h-kiāⁿ chiah koh ta̍uh-ta̍uh-á pìⁿ chò [[sió-he̍k-chheⁿ]], [[tn̂g-bóe-chheⁿ]], [[ōe-chheⁿ]], kap [[he̍k-chheⁿ]].

[[Thài-iông-hong]] (''solar wind'') kā tōa-pō͘-hūn khah khin chit ê sêng-hun, pí-lūn [[chúi-sò͘]] kap [[ji̍t-sò͘]] (''helium''), pûn hiòng khah hn̄g ê só͘-chāi, tō sī it-poaⁿ gōa-ûi ê khì-thé he̍k-chheⁿ chú-iàu cho͘-sêng. Nā tī khah óa ji̍t-thâu ê lāi khoan, tō chhun sé-lia̍p--ê, 石質 ê he̍k-chheⁿ.