Difference between revisions of "Nn̄g-chheng-chit"

'''Nn̄g-pe̍h-chit''', ia̍h sī kóng '''tàn-pe̍h-chit''', chi̍t khoán ho̍k-cha̍p ê bu̍t-chit, oa̍h-mi̍h sin-khu téng lóng ū, koan-hē tio̍h iàu-kín sèⁿ-miā ê hòa-ha̍k kòe-têng.  

Nn̄g-pe̍h-chit sī chē-chē [[a-mi-no͘ sng]] kat chò-hóe pìⁿ tn̂g-liān-á, koh áu chò chi̍t chhok tōa [[hun-chú]]. Thian-jiân thang kat chò nn̄g-pe̍h-chit ê a-mi-no͘ sng ū 20 kúi chióng. [[Si̍t-bu̍t]] ū lêng-le̍k ka-tī khip-siu goân-liāu ha̍p-sêng choân-pō͘ só͘ khiàm-ēng ê a-mí-no͘h sng, nā [[tōng-bu̍t]] bô-hoat-tō͘, tio̍h tùi thé gōa ê lâi-goân tit-tio̍h iú-ki êng-ióng hun.

Só͘-ū nn̄g-pe̍h-chit lóng hâm {{ruby|α|a-hoah}} a-mi-no͘ sng tn̂g liān-á. α ê ì-sù sī [[a-mi-no͘ ki]] (''amino group'', kì-hō ―NH₂) chiap tī pian-hō α ê [[thòaⁿ-sò͘]] goân-chú téng-bīn. Á chit lia̍p thòaⁿ-sò͘ mā kap [[kha-bó͘-sng ki]] (''carboxyl group'', ―COOH) sio-chiap.

[[Category:Nn̄g-pe̍h-chit]]